អំពីគ្លីនិក
ថែទាំសុខភាពភ្នែករបស់កុមារ
វេជ្ជបណ្ឌិតថែទាំភ្នែកកុមាររបស់យើងផ្តោតទៅលើការថែរក្សាសុខភាពភ្នែករបស់កុមារ។
ចាប់តាំងពីការពិនិត្យរហូតដល់ការព្យាបាល យើងខ្ញុំធានាថាចក្ខុវិស័យរបស់កូនអ្នកស្ថិតក្នុងដៃវេជ្ជបណ្ឌិតជំនាញ។
ធ្វើការណាត់ជួបថ្ងៃនេះ ដើម្បីអនាគតភ្លឺស្វាងរបស់កូនៗរបស់លោកអ្នក។
វះកាត់ភ្នែកឡើងបាយ
ការវះកាត់ជំងឺភ្នែកឡើងបាយគឺជាវិធីសាស្រ្តប្រកបដោយសុវត្ថិភាព និងមានប្រសិទ្ធភាព។
ក្នុងអំឡុងពេលវះកាត់ កែវភ្នែកដែលស្រអាប់ត្រូវបានជំនួសដោយកែវភ្នែកសិប្បនិម្មិតដែលធ្វើឱ្យការមើលឃើញច្បាស់ឡើងវិញ។
ការវះកាត់មានរយះពេលខ្លីនិងមិនតម្រូវឱ្យមានការស្នាក់គ្លីនិកបន្ទាប់ពីការវះកាត់ ការជាសះស្បើយឆាប់រហ័ស ដែលមិនមានការរំខានដល់ទម្លាប់រស់នៅប្រចាំថ្ងៃរបស់អ្នកជំងឺ។
វះកាត់ធ្លាក់ត្របកភ្នែក
ត្របកភ្នែកធ្លាក់ បណ្តាលប៉ះពាល់ដល់គំហើញ អាចព្យាបាលបានជាមួយនឹងវេជ្ជបណ្ឌិតឯកទេសជាន់ខ្ពស់វះកាត់កែសម្ផស្សត្របកភ្នែករបស់យើងខ្ញុំ។ ក្រុមជំនាញរបស់យើងផ្តល់ជូននូវបច្ចេកទេសវះកាត់កម្រិតខ្ពស់ ដើម្បីបង្កើនរូបរាង និងស្ដារឡើងវិញនូវចក្ខុវិស័យរបស់លោកអ្នក។ ទទួលបានទំនុកចិត្តឡើងវិញជាមួយនឹងវេជ្ជបណ្ឌិតឯកទេសជាន់ខ្ពស់វះកាត់ព្យាបាលត្របកភ្នែករបស់យើងខ្ញុំ។
ធ្វើការណាត់ជួបអំពីគ្លីនិក
ផ្តល់អាទិភាពដល់សុខភាព និងសុខុមាលភាពរបស់អ្នកជំងឺ តាមរយៈការផ្តល់ការសេវាថែទាំសុខភាពភ្នែកដែលមានគុណភាពខ្ពស់។
ចក្ខុវិស័យ៖
និងធ្វើឱ្យក្លាយជាគ្លីនិកភ្នែកដែលធ្វើឱ្យអ្នកជម្ងីមានទំនុកចិត្តបំផុត ផ្តល់ការថែទាំដែលអាចទុកចិត្តបាន សុវត្ថិភាព និងដែលជួយដល់សហគមន៍។
យើងខ្ញុំយកចិត្តទុកដាក់ទៅលើ៖
ការផ្តោតលើអ្នកជំងឺ: ផ្តោតលើតម្រូវការ និងសុខុមាលភាពរបស់អ្នកជំងឺ។
គុណភាព និងសុវត្ថិភាព: ធានាបាននូវគុណភាពខ្ពស់ សេវាវេជ្ជសាស្រ្តប្រកបដោយសុវត្ថិភាព។
ការងារជាក្រុម និងការយល់ចិត្ត: មានកិច្ចសហប្រតិបត្តិការល្អ និងការយល់ពីតម្រូវការរបស់អ្នកជំងឺ។
បន្តការកែលម្អ: បន្តការកែលម្អជាបន្តបន្ទាប់ និងផ្តលជូបនូវដំណោះស្រាយសមស្របទៅនិងបញ្ហា។
អំពីសេវាកម្ម
-
ថែទាំសុខភាពភ្នែករបស់កុមារ
សេវាថែទាំភ្នែកកុមាររបស់យើងផ្តោតលើការរក្សាសុខភាពភ្នែកកូនៗរបស់លោកអ្នក និងដើម្បីទទួលបានគំហើញច្បាស់ល្អ។
មានដូចជាការពិនិត្យភ្នែកជាប្រចាំ និងការព្យាបាលភ្នែកដោយអ្នកឯកទេស យើងផ្តល់ការថែទាំយ៉ាងទន់ភ្លន់ ដោយអ្នកជំនាញសម្រាប់កុមារគ្រប់វ័យ។
យើងប្តេជ្ញាផ្តល់ការថែទាំល្អបំផុតសម្រាប់ភ្នែករបស់កូនៗលោកអ្នក។ -
ពិគ្រោះយោបល់និងការវះកាត់ភ្នែកឡើងបាយ
ធ្វើឱ្យគំហើញកាន់តែច្បាស់ជាមួយនឹងការពិគ្រោះយោបល់ជំងឺភ្នែកឡើងបាយ និងសេវាកម្មវះកាត់របស់យើងខ្ញុំ។
ក្រុមការងាររបស់យើងដែលមានបទពិសោធន៍ និងជំនាញក្នុងការធ្វើរោគវិនិច្ឆ័យ ព្យាបាលជំងឺភ្នែកឡើងបាយ ដែលជាមូលហេតុចម្បងនៃការបាត់បង់គំហើញ។
ឆ្លងកាត់ការវាយតម្លៃយ៉ាងហ្មត់ចត់រហូតដល់ការវះកាត់ យើងនៅទីនេះដើម្បីស្ដារចក្ខុវិស័យរបស់អ្នក និងកែលម្អគុណភាពជីវិតរបស់អ្នក។ -
ព្យាបាលជំងឺសរសៃបាតភ្នែក
គ្លីនិករបស់យើងមានឯកទេសក្នុងការធ្វើរោគវិនិច្ឆ័យ និងព្យាបាលជំងឺសរសៃបាតភ្នែក ដោយប្រើរូបភាព និងការព្យាបាលកម្រិតខ្ពស់។ យើងព្យាបាលជងឺបាតភ្នែកដូចជា ជំងឺខ្សោយគំហើញផ្នែកកណ្ដាល, ជំងឺទឹកនោមផ្អែមបាតភ្នែក, និង ជំងឺរបើកសសៃបាតភ្នែក ដោយប្រើថ្នាំ និងការវះកាត់។ គ្រូពេទ្យជំនាញនិងមានបទពិសោធន៍ប្តេជ្ញាក្នុងការរក្សាគំហើញរបស់លោកអ្នក។ -
វះកាត់ត្របកភ្នែកធ្លាក់
សេវាកម្មព្យាបាលជំងឺភ្នែករបស់យើងផ្តោតលើការធ្វើរោគវិនិច្ឆ័យ និងព្យាបាលស្ថានភាពភ្នែកផ្សេងៗទៀត ដើម្បីរក្សាគំហើញរបស់អ្នក។
ពីបញ្ហាភ្នែកទូទៅដូចជារោគសញ្ញាភ្នែកស្ងួត រហូតដល់ជំងឺស្មុគ្រស្មាញដូចជាជំងឺដក់ទឹកក្នុងភ្នែក និងជំងឺខ្សោយគំហើញផ្នែកកណ្ដាល ក្រុមអ្នកជំនាញរបស់យើងនិងផ្តល់ជូននូវការថែទាំតាមតម្រូវការរបស់អ្នក។ -
វះកែរតម្រូវប្រពន្ធ័បង្ហូរទឹកភ្នែក
ការស្ទះបំពង់បង្ហូរទឹកភ្នែក រារាំងការលំហូរទឹកភ្នែក បណ្តាលឱ្យមានការហៀរទឹកភ្នែក និងមានផលរំខាន។ ការធ្វើរោគវិនិច្ឆ័យនិងការព្យាបាលយ៉ាងម៉ត់ចត់មុនឈានដល់ការវះកាត់ដូចជា dacryocystorhinotomy (DCR) ដើម្បីស្តារលំហូរទឹកភ្នែកឱ្យត្រលប់មកសភាពធម្មតាវិញ។ -
វ៉ាស់ដឺក្រេភ្នែកនិងកាត់វ៉ែនតា
ប្រសិនបើអ្នកមានបញ្ហាមើលមិនសូវច្បាស់ វ៉ែនតាអាចផ្តល់នូវដំណោះស្រាយបាន។
ចាប់ពីវ៉ែនតាសម្រាប់អានអក្សររហូតដល់វ៉ែនតាសម្រាប់ការបើកបរ វ៉ែនតារបស់យើងអាចជួយកែតម្រូវការមើលឃើញជិត ការមើលឃើញឆ្ងាយ និង astigmatism ។
ស្វែងរកវ៉ែនតាដ៏ល្អឥតខ្ចោះ ដើម្បីបង្កើនចក្ខុវិស័យ និងជីវិតប្រចាំថ្ងៃរបស់អ្នក។
វេជ្ជបណ្ឌិត
-
វេជ្ជបណ្ឌិត តោ រេមី
ឯកទេសជាន់ខ្ពស់កញ្ចក់ភ្នែក បកបាយភ្នែក
និង វះកាត់ម៉្ញូប
ប្រវត្តិរូប៖
សញ្ញាប័ត្រវេជ្ជបណ្ឌិតភ្នែក ឯកទេសជាន់ខ្ពស់កញ្ចក់ភ្នែក បកបាយភ្នែក និង វះកាត់តាមកាំរស្មី ( មកពី ហូឡង់ និង ថៃ )
ជាអនុប្រធានផ្នែក មន្ទីរពេទ្យព្រះអង្គឌួង បណ្តុះបណ្តាលការវះកាត់កញ្ចក់ភ្នែក និងវះកាត់ដឺក្រេភ្នែក។
ជាសាស្ត្រាចារ្យនៃកម្មវិធីបណ្តុះបណ្តាល Ophthalmology Resident Training Program នៅសាកលវិទ្យាល័យវិទ្យាសាស្ត្រសុខាភិបាល។
ឯកទេស៖
វះកាត់ម៉្ញូប (PRK and LASIK)
បកបាយភ្នែកដោយប្រើប្រាស់កែវភ្នែកអូតូ
ជំងឺកញ្ចក់ភ្នែកខូចកោសិកាដើម (Stem cell)
ព្យាបាលដំបៅកញ្ចក់ភ្នែក
វះកាត់ផ្សាំកញ្ចក់ភ្នែក
វះកាត់កែតម្រូវផ្នែកខាងមុខគ្រាប់ភ្នែក
ព្យាបាលជំងឺទឹកដក់ក្នុងភ្នែក
វះកាត់កន្ទុយថ្លែន
ព្យាបាលជំងឺភ្នែកស្ងួត -
វេជ្ជបណ្ឌិត ឱ លក្ខិណា
ឯកទេសជាន់ខ្ពស់ វះកាត់កែសម្ផស្សត្របកភ្នែក
និងប្រព័ន្ធប្រសាទភ្នែក
ប្រវត្តិរូប៖
សញ្ញាប័ត្រវេជ្ជបណ្ឌិតភ្នែក ឯកទេសជាន់ខ្ពស់ វះកាត់កែសម្ផស្សត្របកភ្នែក និងប្រព័ន្ធប្រសាទភ្នែក មកពីមជ្ឈមណ្ឌលវិទ្យាសាស្ត្រសុខាភិបាលនៃសាកលវិទ្យាល័យ Texas Tech សហរដ្ឋអាមេរិក។
ជាគ្រូដឹកនាំបង្រៀន នៃកម្មវិធីបណ្តុះបណ្តាល Oculoplasty Fellowship Training នៃមន្ទីរពេទ្យព្រះអង្គឌួង។
ជាអនុប្រធានផ្នែក មន្ទីរពេទ្យព្រះអង្គឌួង។
គ្រូបង្រៀនទ្រឹស្តី ថ្នាក់វេជ្ជបណ្ឌិត នៃសាកលវិទ្យាល័យវិទ្យាសាស្ត្រសុខាភិបាល។
ជ័យលាភីប្រទេសអូស្រ្តាលី ស្ត្រីក្នុងភាពជាអ្នកដឹកនាំផ្នែកសុខភាព។
ឯកទេស៖
វះកាត់កែសម្ផស្ស ត្របកភ្នែក
កែត្របកភ្នែកពីរជាន់
វះកាត់ ជំងឺស្ទះរន្ធទឹកភ្នែក និងបំពង់បង្ហូរទឹកភ្នែក
ភ្នែកស្រលៀង
ធ្លាក់ត្របកភ្នែក
ប្រែងចាក់ភ្នែក
ភ្នែកលាន
វះកាត់ដុំសាច់មហារីកភ្នែក
បញ្ហាភ្នែកមកពីប្រពន្ធ័ប្រសាទខួរក្បាល
បកបាយភ្នែក
វះកាត់កន្ទុយថ្លែន -
វេជ្ជបណ្ឌិត តោ គ្រីថា
ឯកទេសវះកាត់សរសៃបាតភ្នែក
ប្រវត្តិរូប៖
ប្រធាន, ឯកទេសវះកាត់សរសៃបាតភ្នែក មកពីមន្ទីរពេទ្យសាកលវិទ្យាល័យ Thammasat ប្រទេសថៃ។
ឯកទេស៖
វះកាត់សសៃបាតភ្នែក
ការព្យាបាលដោយប្រើឡាស៊ែរ
ជំងឺសសៃបាតភ្នែក
របើកសសៃបាតភ្នែក
ជំងឺទឹកនោមផ្អែមបាតភ្នែកនិង ជំងឺលើសឈាមបាតភ្នែក
ស្ទះសសៃឈាមបាតភ្នែក
ព្យាបាលជំងឺទឹកដក់ក្នុងភ្នែក
បកបាយភ្នែក
វះកាត់កន្ទុយថ្លែន -
វេជ្ជបណ្ឌិត ឡេង វឌ្ឍនៈ
ឯកទេសសរសៃបាតភ្នែក
ប្រវត្តិរូប៖
សញ្ញាប័ត្រវេជ្ជបណ្ឌិតភ្នែក ពីសាកលវិទ្យាល័យវិទ្យាសាស្ត្រសុខាភិបាល
ឯកទេសសរសៃបាតភ្នែក មកពីមន្ទីរពេទ្យសាកលវិទ្យាល័យ Thammasat ប្រទេសថៃ។
ឯកទេស៖
វះកាត់ភ្នែកឡើងបាយ
ព្យាបាលជំងឺដក់ទឹកក្នុងភ្នែក
ជំងឺទឹកនោមផ្អែមបាតភ្នែក
ជំងឺលើសឈាមបាតភ្នែក
ស្ទះសសៃឈាមបាតភ្នែក
វះកាត់កន្ទុយថ្លែន -
វេជ្ជបណ្ឌិត ទ្រី ម៉េងស្រ៊ី
ឯកទេសវះកាត់កញ្ចក់ភ្នែក និងវះកាត់ម៉្ញូប
ប្រវត្តិរូប៖
សញ្ញាប័ត្រវេជ្ជបណ្ឌិតភ្នែក ឯកទេសវះកាត់កញ្ចក់ភ្នែក និងវះកាត់ម៉្ញូប មកពីប្រទេសថៃ។
ឯកទេស៖
វះកាត់ភ្នែកឡើងបាយ
វះកាត់កន្ទុយថ្លែន
ព្យាបាលភ្នែកស្ងួត
ព្យាបាលដំបៅកញ្ចក់ភ្នែក
វះកាត់ផ្សាំកញ្ចក់ភ្នែក
ជំងឺកញ្ចក់ភ្នែកនិង ផ្នែកខាងមុខគ្រាប់ភ្នែក
ជំងឺខូចកញ្ចក់ភ្នែក
ជំងឺភ្នែកបណ្តាលមកពីការប្រតិកម្មថ្នាំ -
វេជ្ជបណ្ឌិត ហ៊ុន ទិត្យា
ឯកទេសវះកាត់កញ្ចក់ភ្នែក និងវះកាត់ម៉្ញូប
ប្រវត្តិរូប៖
សញ្ញាប័ត្រវេជ្ជបណ្ឌិតភ្នែក ឯកទេសវះកាត់កញ្ចក់ភ្នែក និងវះកាត់ម៉្ញូប មកពីប្រទេសថៃ។
ឯកទេស៖
វះកាត់ភ្នែកឡើងបាយ
ព្យាបាលដំបៅកញ្ចក់ភ្នែក
ជំងឺផ្នែកខាងមុខគ្រាប់ភ្នែក
វះកាត់ម៉្ញូប
វះកាត់កន្ទុយថ្លែន
ជំងឺកញ្ចក់ភ្នែកខូចកោសិកាដើម និងវះកាត់ផ្សាំកញ្ចក់ភ្នែក
ចំណុចសំខាន់របស់អំពីគ្លីនិក
ប្តេជ្ញាចិត្តចំពោះការថែទាំភ្នែកតាមសហគមន៍
គ្លីនីកភ្នែករបស់យើងគឺប្តេជ្ញាបម្រើសហគមន៍របស់យើងជាមួយនឹងការថែទាំគុណភាពខ្ពស់។ដោយប្រើបច្ចេកវិជ្ជាចុងក្រោយបង្អស់ និងបុគ្គលិកមានភាពរួសរាយរាក់ទាក់ យើងផ្តោតលើការការពារ និងកែលម្អសុខភាពភ្នែករបស់អ្នក។ យើងខិតខំប្រឹងប្រែងធ្វើជាគ្លីនិកដែលអាចធ្វើឱ្យលោកអ្នកមានទំនុកចិត្ត និងមានសុវត្ថិភាព។
ធ្វើការណាត់ជួបផ្តល់ការថែទាំភ្នែកដែលត្រូវតាមតម្រូវការរបស់អ្នកជងឺ
នៅគ្លីនិកភ្នែករបស់យើង ផោតទៅលើតម្រូវការ និងសុខុមាលភាពរបស់លោកអ្នក។ ក្រុមជំនាញរបស់យើងនិងព្យាយាមយល់ពីកង្វល់និងបញ្ហារបស់អ្នកដើម្បីផ្តល់ការព្យាបាលដែលត្រឹមត្រូវ។ យើងផ្តោតលើការប្រាស្រ័យទាក់ទងច្បាស់លាស់ ការយល់ចិត្ត និងការសហការគ្នា ដើម្បីធានាថាអ្នកទទួលបានការថែទាំល្អបំផុត។ សុខភាពចក្ខុវិស័យរបស់អ្នកគឺជាអាទិភាពចម្បងរបស់យើង។
ធ្វើការណាត់ជួបការវះកាត់ភ្នែកឡើងបាយអាចធ្វើបានភ្លាមៗ
ពិសោធន៍ពីភាពងាយស្រួលនៃការវះកាត់ភ្នែកឡើងបាយក្នុងភ្លាមៗនៅគ្លីនិកភ្នែករបស់យើង។ គ្រឿងបរិក្ខារទំនើបៗ និងក្រុមជំនាញរបស់យើង ធ្វើឱ្យអ្នកអាចធ្វើការវះកាត់ភ្នែកឡើងបាយ ហើយត្រឡប់មកផ្ទះវិញនៅថ្ងៃតែមួយ។ ជាមួយនឹងវិធីសាស្រ្តប្រកបដោយប្រសិទ្ធភាព យើងផ្តល់អាទិភាពដល់ភាពងាយស្រួល និងសុវត្ថិភាពរបស់អ្នកពេញមួយដំណើរការទាំងមូល។ ជឿជាក់លើពួកយើងដើម្បីផ្តល់ឱ្យលោកអ្នកនូវការថែទាំពិសេស និងទទួលបានលទ្ធផលដ៏ល្អ។
ធ្វើការណាត់ជួបរោគសញ្ញាភ្នែក
-
មើលឃើញព្រាលៗ
ការមើលឃើញព្រាលៗមិនថាវត្ថុនោះនៅឆ្ងាយឬជិតក៏ដោយ។ បញ្ហានេះបណ្តាលមកពីកំហុសកំណុំរូបភាពដែលបង្កជា (Myopia) ភ្នែកម្ញ៉ូបពិបាកក្នុងការមើលឆ្ងាយ, (Hyperopia) ភ្នែកខ្លីពិបាកមើលទាំងជិតនិងឆ្ងាយ, (Astigmatism) ភ្នែកអាស្ទីម៉ាតមើលឃើញរូបភាពបែកស្រមោល, (Presbyopia) ម្ញ៉ូបមនុស្សចាស់ពិបាកមើលជិតកើតឡើងទៅតាមវ័យ(៤០ឆ្នាំឡើង)។ ប្រើប្រាស់វ៉ែនតា, contact lenses ឬការវះកាត់ឡាស៊ែរអាចជួយដោះស្រាយបញ្ហាទាំងនេះបាន។
មូលហេតុផ្សេងទៀតដែលឱ្យបង្កមើលឃើញព្រាលៗរួមមាន ភ្នែកស្ងួត, ភ្នែកឡើងបាយ, ជំងឺដក់ទឹកក្នុងភ្នែក និងជំងឺសសៃបាតភ្នែក (AMD) ដែលត្រូវទទួលការព្យាបាលពីវេជ្ជបណ្ឌិតឯកទេសភ្នែក។ -
មើលឃើញស្រអាប់ដូចពពក
ការមើលឃើញស្រអាប់ដូចពពកមានន័យថាភ្នែករបស់អ្នកមើលឃើញរូបភាពស្រអាប់ដូចជាអ្នកកំពុងសម្លឹងមើលវត្ថុអ្វីមួយនៅកន្លែងចុះអ័ព្ទ។ នេះជាសញ្ញានៃជំងឺភ្នែកឡើងបាយ ដែលតែងតែកើតឡើងលើមនុស្សអាយុច្រើន។ ជំងឺភ្នែកឡើងបាយនិងវិវត្តន៍ទៅតាមពេលវេលា ហើយអាចបណ្តាលឱ្យអ្នកកាន់តែពិបាកមើលខ្លាំងប្រសិនបើមិនទទួលការព្យាបាល។ ទោះជាយ៉ាងណាក៏ដោយជំងឺភ្នែកឡើងបាយនេះងាយស្រួលក្នុងការព្យាបាលជាមួយបច្ចេកវិទ្យាទំនើប ដូច្នេះការធ្វើរោគវិនិច្ឆ័យទាន់ពេលគឺមានសារៈសំខាន់ណាស់។ មូលហេតុដ៏កម្រផ្សេងទៀតដែលបណ្តាលឱ្យការមើលឃើញអ្នកស្រអាប់ដូចពពករួមមាន កង្វះវីតាមីន A ការឆ្លងមេរោគមួយចំនួន និងដុំសាច់ក្នុងភ្នែក។ ប្រសិនបើការមើលឃើញរបស់អ្នកស្រអាប់ សូមធ្វើការពិគ្រោះយោបល់ជាមួយវេជ្ជបណ្ឌិតឯកទេសភ្នែក។ -
មើលឃើញរូបភាពខុសទ្រង់ទ្រាយ
ការមើលឃើញរូបភាពខុសទ្រង់ទ្រាយ មានន័យថាអ្នកមើលឃើញបន្ទាត់ត្រង់ទៅជាកោង វៀច ឬរលក។ នេះបណ្តាលមកពីបញ្ហានៅផ្នែកបាតភ្នែក (រេទីណា)របស់លោកអ្នក។ ហើយទាំងនេះអាចជាសញ្ញានៃជំងឺសសៃបាតភ្នែក។ លក្ខខណ្ឌផ្សេងទៀតដូចជាបញ្ហាហើមមបាតភ្នែក អាចបណ្តាលឱ្យហើមនិងខូចទ្រង់ទ្រាយនៃបាតភ្នែក។
ប្រសិនបើអ្នកសម្គាល់ឃើញថារូបភាពដែលអ្នកមើលឃើញខុសទ្រង់ទ្រាយ សូមជួបពិគ្រោះយោបល់ជាមួយវេជ្ជបណ្ឌិតឯកទេសភ្នែកឱ្យបានឆាប់រហ័ស។ -
មើលឃើញរូបភាពបែកជាពីរ
មើលឃើញវត្ថុឆ្ងាយបែកជាពីរ (Diplopia)។ បញ្ហានេះអាចកើតទៅលើភ្នែកតែម្ខាង ឬភ្នែកទាំងសងខាង (បណ្តាលមកពីភ្នែកទាំងសងខាងមិនស្មើគ្នា។ សម្រាប់ករណីកើតទៅលើភ្នែកតែម្ខាងអ្នកនិងមើលឃើញរូបភាពបែកជាពីរប្រសិនបើគ្របភ្នែកម្ខាង(ប្រើភ្នែកតែម្ខាងមើល) បញ្ហានេះបណ្តាលមកពីកំហុសកំណុំរូបភាព, ជំងឺភ្នែកឡើងបាយ ឬបញ្ហាបាតភ្នែក។
ករណីមើលឃើញរូបភាពបែកជាពីរនៅពេលបើកភ្នែកទាំងសងខាង ប៉ុន្តែបើអ្នកគ្របភ្នែកម្ខាងអ្នកនិងអាចមើលរូបភាពបានធម្មតាវិញ។ ទាំងនេះបណ្តាលមកពីបញ្ហាសាច់ដុំភ្នែក សរសៃប្រសាទ ឬឆ្អឹងជុំវិញភ្នែក។ -
ភ្នែកស្ងួត
បញ្ហាភ្នែកស្ងួតកើតឡើងនៅពេលដែលភ្នែករបស់អ្នកមិនទទួលបានជាតិសំណើមឬទឹកភ្នែកគ្រប់គ្រាន់។ ទាំងនេះអាចបណ្តាលឱ្យភ្នែកមិនស្រួល ឡើងក្រហម ឬមានអារម្មណ៍គ្រើមៗក្នុងភ្នែក។
វាអាចបណ្តាលមកពីកត្តាដូចជា ការផលិតទឹកភ្នែកមានការថយចុះ ភ្នែកហត់នឿយ ម៉ាស៊ីនត្រជាក់ ឬថ្នាំមួយចំនួនដែលអ្នកប្រើប្រាស់។ កត្តាផ្សេងទៀតដូចជា អាឡែស៊ី និងប្រព័ន្ធភាពស៊ាំប្រឆាំងនឹងខ្លួនឯង អាចបង្កឱ្យអ្នកមានជំងឺភ្នែកស្ងួតផងដែរ។ ជម្រើសនៃការព្យាបាលរួមមាន ប្រើប្រាស់ទឹកភ្នែកសិប្បនិម្មិត ថ្នាំ ឬការផ្លាស់ប្តូររបៀបរស់នៅ ដូចជាការប្រើម៉ាស៊ីនចំហាយទឹកឬឧស្សាហ៍សម្រាកភ្នែកពីអេក្រង់ទូរស័ព្ទជាដើម។ ប្រសិនបើរោគសញ្ញានៅតែមាន ជាការល្អបំផុតក្នុងការជួបពិគ្រោះយោបល់ជាមួយវេជ្ជបណ្ឌិតឯកទេសភ្នែក។ -
ឈឺចុកក្នុងភ្នែក
ការឈឺចុកក្នុងភ្នែក អ្នកនិងមានអារម្មណ៍ថាក្នែកក្តៅ ញាក់ត្របក់ភ្នែក ឈឺចុក ហើយមានអារម្មណ៍ថាដូចជាមានអ្វីមួយនៅក្នុងភ្នែក។
វាអាចបណ្តាលមកពីបញ្ហាផ្សេងៗ រួមទាំងជំងឺពពែភ្នែក ជំងឺភ្នែកក្រហម, Contact lens ដែលអ្នកប្រើមានបញ្ហា, កញ្ចក់ភ្នែកឆ្លងមេរោគ ជំងឺទឹកដក់ក្នុងភ្នែក, រលាកភ្នែក, រោគប្រកាំង, បញ្ហាប្រហោងឆ្អឹងនៅក្បែរច្រមុះ ឬការឆ្លងមេរោគ។
ប្រសិនបើការឈឺចាប់ធ្ងន់ធ្ងរ ឬប៉ះពាល់ដល់គំហើញរបស់លោកអ្នក សូមជួបពិគ្រោះយោបល់ជាមួយវេជ្ជបណ្ឌិតឯកទេសភ្នែក។ -
ភ្នែកក្រហម
ភ្នែកក្រហមកើតឡើងនៅពេលដែលសរសៃឈាមនៅផ្នែកពណ៌សនៃភ្នែកហើម ឬរលាក។ មូលហេតុរួមមានខ្យល់ស្ងួត ព្រះអាទិត្យ ធូលី អាឡែរហ្សី ការឆ្លងមេរោគ ឬការប៉ះទង្គិច។
ជំងឺភ្នែកក្រហម គឺជាការឆ្លងមេរោគ បាក់តេរី ឬអាឡែស៊ីដែលបណ្តាលឱ្យភ្នែកឡើងក្រហម។
ភ្នែកក្រហមកើតឡើងនៅពេលដែលសរសៃឈាមតូចៗត្រូវបានបែក។ ជាធម្មតាជាសះស្បើយទៅវិញដោយខ្លួនឯងក្នុងរយៈពេលពីរទៅបីថ្ងៃ ហើយជារឿយៗមិនបង្កការឈឺចាប់ទេ។
ប្រសិនបើភ្នែកក្រហមរបស់អ្នកមានការឈឺចាប់ ស្រវាំង ឬក្រហមដោយសារការប៉ះទង្គិច សូមធ្វើការពិគ្រោះយោបល់ជាមួយវេជ្ជបណ្ឌិតឯកទេសភ្នែក។ -
កំនកចាហួយបាតភ្នែកអណ្តែត
នៅខាងក្នុងភ្នែករបស់អ្នក មានសារធាតុដូចជាចាហួយដែលហៅថា (vitreous) ។ នៅពេលដែលអ្នកមានវ័យកាន់តែចាស់ ចាហួយនេះរួញបន្តិចម្តងៗ ហើយកាន់តែរាវ។ បំណែកតូចៗនៃចាហួយអាចដាច់ចេញពីជញ្ជាំងខាងក្នុងនៃភ្នែកចាប់ផ្តើមអណ្តែត មានរាងខ្មៅៗ ដែលអ្នកអាចសំគាល់ឃើញនៅក្នុងភ្នែករបស់អ្នក។ នេះត្រូវបានគេហៅថា កំនកចាហួយបាតភ្នែកអណ្តែត ដែលជាស្ថានភាពទូទៅ និងភាគច្រើនគ្មានការបង្កគ្រោះថ្នាក់។
ទោះជាយ៉ាងណាក៏ដោយ ជួនកាលកំនកចាហួយបាតភ្នែកអណ្តែតនេះក៏អាចជាសញ្ញានៃបញ្ហាធ្ងន់ធ្ងរ ដូចជាជំងឺទឹកនោមផ្អែមបាតភ្នែក របើសរសៃរបាតភ្នែក ដែលលោកអ្នកត្រូវតែយកចិត្តទុកដាក់ជាបន្ទាន់។
ប្រសិនបើអ្នកសម្គាល់ឃើញកំនកចាហួយបាតភ្នែកអណ្តែតជាពិសេសការមើលឃើញដូចផ្លេកបន្ទោរ ឬមើលឃើញមិនច្បាស់ សូមពិគ្រោះយោបល់ជាមួយវេជ្ជបណ្ឌិតឯកទេសភ្នែកជាបន្ទាន់។ -
ដុំសាច់ក្រិន និងដុះកន្ទុយថ្លែន
ដុំសាច់ក្រិន (Pinguecula) និង ដុះកន្ទុយថ្លែន(Pterygium) មិនបង្កជាបញ្ហាធំដល់ភ្នែកនោះទេ ជារឿយៗបណ្តាលមកពីការប៉ះនឹងពន្លឺព្រះអាទិត្យ ធូលី ឬខ្យល់។
- ដុំសាច់ក្រិន: ដុំតូចពណ៌លឿងដុះនៅលើភ្នាសសនៃភ្នែក ជាធម្មតាមិនប៉ះពាល់ដល់ការមើលឃើញនោះទេ។
- ដុះកន្ទុយថ្លែន: ដុំសាច់រាងត្រីកោណដុះពីភ្នាសសនៃភ្នែក ហើយចាក់ចូលផ្ទៃកញ្ចក់ភ្នែក ដែលអាចបណ្តាលឱ្យឡើងក្រហម រលាក ឬមានបញ្ហាក្នុងការមើលឃើញ។
ប្រើប្រាស់វ៉ែនតាការពារកាំរស្មី UV អាចជួយការពារបញ្ហាទាំងពីរខាងលើនេះបាន។ សម្រាប់ការព្យាបាលរួមមានការប្រើថ្នាំបន្តក់ភ្នែក ឬក្នុងករណីធ្ងន់ធ្ងរត្រូវធ្វើការវះកាត់។ -
រមាស់និងហៀរទឹកភ្នែក
ការរមាស់ភ្នែករយៈពេលយូរ និងមានរហៀរទឹកភ្នែកអាចបណ្តាលមកពីអាឡែរហ្សី ដូចជាលំអងផ្កា រោមសត្វ ធូលី ទឹកអប់ ឬកត្តាបរិស្ថាន។ អ្នកអាចមានអារម្មណ៍មិនស្រួល ប៉ុន្តែជាធម្មតាមិនបណ្តាលនាំឱ្យបាត់បង់ការមើលឃើញនោះទេ។ វេជ្ជបណ្ឌិតឯកទេសភ្នែកនិងស្វែងរកមូលហេតុ ណែនាំការព្យាបាលដ៏ត្រឹមត្រូវជូនលោកអ្នក។ -
ហើមភ្នែក
ការហើមភ្នែកកើតឡើងដោយសារតែសារធាតុរាវលើស (oedema) នៅក្នុងជាលិកាជុំវិញត្របកភ្នែក។ វាអាចបណ្តាលមកពីកត្តាដូចជា រលាកភ្នាសសនៃភ្នែក រលាកគល់រោមភ្នែក ឆ្លងមេរោគ សត្វល្អិតខាំ ប្រតិកម្មអាលែហ្សីថ្នាំ ឬគ្រឿងសម្អាង។ សម្រាប់មូលហេតុធ្ងន់ធ្ងរដែលបណ្តាលឱ្យហើមភ្នែករួមមាន ភ្នែកលៀន រលោកក្រអូងភ្នែក, និងរបួសភ្នែក ដែលអាចប៉ះពាល់ដល់គំហើញ។ ដោយសារមូលហេតុមានភាពខុសៗគ្នាសូមពិគ្រោះយោបល់ជាមួយវេជ្ជបណ្ឌិតឯកទេសភ្នែកសម្រាប់ការធ្វើរោគវិនិច្ឆ័យ និងទទួលការព្យាបាលដ៏ត្រឹមត្រូវ។ -
ភ្នែកហត់នឿយ
“ភ្នែកហត់នឿយ” សំដៅលើភ្នែកដែលចុករោយ មានអារម្មណ៍ធ្ងន់ៗក្នុងភ្នែក ដោយសារការប្រើប្រាស់ភ្នែកខ្លាំងពេក។ ទាំងនេះមិនមែនជាជំងឺ ហើយក៏មិនត្រូវការប្រើប្រាស់ថ្នាំសម្រាប់ព្យាបាលនោះដែរ មានតែការការពារទេដែលអាចជួយបាន។
មូលហេតុបណ្តាលមកពីសកម្មភាពដូចជាការប្រើប្រាស់កុំព្យូទ័រយូរម៉ោង នៅកន្លែងដែលមានពន្លឺខ្សោយពេក បើកបរយូរម៉ោង ឬការអានយូរម៉ោងពេក ដែលសកម្មភាពទាំងអស់នេះទាមទារឱ្យមានការផ្តោតអារម្មណ៍ខ្លាំងក្នុងរយៈពេលយូរម៉ោង។
រោគសញ្ញាទូទៅរួមមាន ចុករោយភ្នែក ស្ងួត ឬហៀរទឹកភ្នែក ឈឺខ្នងនិងក អស់កម្លាំង និងមានអារម្មណ៍ធ្ងន់ៗនៅក្នុងភ្នែក។
ព័ត៌មាននិងប្លុក
សូមស្វាគមន៍មកកាន់គេហទំព័រថ្មីរបស់គ្លីនិកភ្នែក អាយវី
យើងមានសេចក្តីសោមនស្សរីករាយក្នុងការប្រកាសបើកដំណើរការគេហទំព័រគ្លីនិកភ្នែករបស់យើងខ្ញុំ។ក្នុងនាមជាអ្នកផ្តល់សេវាថែទាំសុខភាពក្នុងតំបន់របស់អ្នក យើងខ្ញុំផ្តល់សេវាថែទាំសុខភាពភ្នែកយ៉ាងទូលំទូលាយសម្រាប់អ្នកជំងឺគ្រប់វ័យ ចាប់ពីកុមាររហូតដល់មនុស្សចាស់។
យើងខ្ញុំមានមោទនភាពដែលមានវេជ្ជបណ្ឌិតស្ត្រីនិងបុគ្គលិកស្ត្រីក្នុងតួនាទីផ្នែកវេជ្ជសាស្ត្រ ដែលធានាបាននូវបរិយាកាសផាសុកភាពសម្រាប់អ្នកជំងឺទាំងអស់របស់យើង។
ការប្តេជ្ញាចិត្តរបស់យើងចំពោះសហគមន៍ត្រូវបានឆ្លុះបញ្ចាំងទៅលើការយកចិត្តទុកដាក់របស់យើងក្នុងការផ្តល់នូវការព្យាបាលប្រកបដោយវិជ្ជាជីវៈ និងសុវត្ថិភាព។
យើងខិតខំផ្តល់ជូននូវស្តង់ដារខ្ពស់បំផុតនៃការថែទាំភ្នែក ដោយធានាថាអ្នកជំងឺម្នាក់ៗទទួលបានការព្យាបាលទៅតាមតម្រូវការ និងប្រកបដោយក្តីមេត្តា។
ព័ត៌មាននិងប្លុក
សិក្ខាសាលាស្តីពីជំងឺទឹកនោមផ្អែមបាតភ្នែកនិងការតាមដានសុខភាពភ្នែកជាប្រចាំ
នៅថ្ងៃទី 27 ខែតុលា ឆ្នាំ 2024 គ្លីនិកភ្នែក អាយវី បានរៀបចំសិក្ខាសាលាពិសេសសម្រាប់អ្នកជំងឺទឹកនោមផ្អែមដែលដឹកនាំដោយវេជ្ជបណ្ឌិត ឱ លក្ខិណា។ ដោយមានអ្នកជំងឺចំនួន 12 នាក់ដែលធ្លាប់បានទទួលការវះកាត់ជំងឺភ្នែកឡើងបាយជាមួយយើងខ្ញុំ បានចូលរួមសិក្ខាសាលានេះ ដោយទទួលបានព័ត៌មានស្តីអំពីការគ្រប់គ្រងសុខភាពភ្នែករបស់អ្នកជំងឺទឹកនោមផ្អែមបាតភ្នែក ជាមួយនឹងការពិនិត្យដោយដៃរបស់លោកវេជ្ជបណ្ឌិត តោ រេមី។អ្នកជំងឺបានទទួលការពិនិត្យសុខភាពបាតភ្នែកភ្នែកដោយប្រើប្រាស់ម៉ាសុីន OCT និងការធ្វើតេស្តសំខាន់ៗផ្សេងទៀតដោយប្រើប្រាស់ម៉ាសុីន Slit lamp។ថែមទាំងផ្តល់ជូននិងណែនាំអ្នកជំងឺពីវិធីប្រើប្រាស់តារាងវ៉ាស់ភ្នែកងាយៗនៅផ្ទះខ្លួនដោយឯង។ សិក្ខាសាលានេះបានឆ្លុះបញ្ចាំងពីការប្តេជ្ញាចិត្តរបស់យើងខ្ញុំក្នុងការបន្តផ្តល់ជូននូវសេវាថែទាំភ្នែកយ៉ាងហ្មត់ចត់សម្រាប់លោកអ្នក។
ថ្ងៃទី 10 ខែវិច្ឆិកា ឆ្នាំ 2024
ព័ត៌មាននិងប្លុក
-
EDOF Multifocal Intraocular Lenses
EDOF (Extended Depth of Focus) កែវភ្នែកសិប្បនិម្មិតនេះត្រូវបានរចនាឡើងដើម្បីកែលម្អការមើលឃើញនៅចម្ងាយច្រើន ដោយកាត់បន្ថយការប្រើប្រាស់វ៉ែនតាបន្ទាប់ពីការវះកាត់ជំងឺភ្នែកឡើងបាយហើយ។ កែវភ្នែកសិប្បនិម្មិតនេះផ្តល់ជូននូវការមើលឃើញច្បាស់ចាប់ពីជិតទៅឆ្ងាយ បង្កើនគុណភាពនៃការមើលឃើញ និងជីវិតប្រចាំថ្ងៃរបស់អ្នក។ -
ហាងវ៉ែនតាមានទីតាំងជាមួយនិងគ្លីនិក
គ្លីនិចភ្នែករបស់យើងមានទីតាំងជាមួយនិងហាងវ៉ែនតា ផ្តល់សេវាកម្មជារៀងរាល់ថ្ងៃ។
យើងផ្តល់ជូននូវការកែតម្រូវជាទៀងទាត់សម្រាប់វ៉ែនតារបស់កុមារដើម្បីឱ្យសមនឹងតម្រូវការដែលកំពុងលូតលាស់របស់ពួកគេ ដោយធានាថាពួកគេតែងតែទទួលបានគំហើញច្បាស់ល្អ។
រីករាយជាមួយភាពងាយស្រួលនៃការពិនិត្យភ្នែក វាស់ដឺក្រេភ្នែក និងការកែតម្រូវវ៉ែនតានៅក្នុងទីតាំងតែមួយ។ -
ភាពជាដៃគូក្នុងស្រុក
គ្លីនិកភ្នែកយើងខ្ញុំសហការយ៉ាងជិតស្និទ្ធជាមួយអ្នកផ្តល់សេវាថែទាំសុខភាពក្នុងស្រុក អ្នកឯកទេសជំងឺទឹកនោមផ្អែម និងមន្ទីរពេទ្យវេជ្ជសាស្ត្រឈានមុខគេ ដើម្បីផ្តល់ជូននូវការថែទាំភ្នែកដ៏ទូលំទូលាយ និងកម្រិតខ្ពស់។ តាមរយៈភាពជាដៃគូជាមួយអ្នកជំនាញ អ្នកជំងឺរបស់យើងទទួលបានអ្នកឯកទេស និងទទួលបានការព្យាបាលយ៉ាងត្រឹមត្រូវនិងពេញលេញដើម្បីធានាបាននូវការថែទាំដ៏ពិសេស រួមទាំងចក្ខុវិស័យនិងសុខភាពទូទៅរបស់លោកអ្នក។ យើងខ្ញុំប្តេជ្ញាថានិងផ្តល់នូវសេវាកម្មដ៏ល្អបំផុតដើម្បីសហគមន៍និងដៃគូសហការរបស់យើង។
ទីតាំងនិងព័ត៌មានបន្ថែម
គ្លីនិកភ្នែក អាយវី
អាសយដ្ឋានគ្លីនិក:
#ផ្ទះលេខ 21 ផ្លូវលេខ 1928 សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញលេខទូរស័ព្ទ: 086-456-756
Email:
ម៉ោងធ្វើការ:
ថ្ងៃច័ន្ទដល់ថ្ងៃអាទិត្យ:8:30 - 12:00
14:30 - 17:30
បិទរៀងរាល់ថ្ងៃបុណ្យជាតិ
